Ára Santo, chokokue rapoite
Ára Santo ha ñembo’e kuéra ningo oñemomba’e guasu etemi okaháre, hatã voi ñembohapo ñane retãygua rekovére. Ko’ãga rupi ojehecha ogue mbegue katuha ohóvo ko Ára Santo ñemomba’e ikangyve rupi chokokue rekove, ojaho’i rupi ichupe pe ojeheróva agricultura mecanizada.
Roque Mereles, corbatare jepe, ndo’ejái ha no moykei hapo ha iñe’e.
Heta ñande rapicha katu, umi ifamilia oĩva okaháre ndopoíri gueteri ko mba’e porãitégui, Ára Santo rupive ojotopa paite mombyry mbyryvegua ha ojevy’apa oñondive. Periodista Roque Mereles, heñói ha okakuaa va’ekue Pastoréope, Caaguasu departaméntope, omombe’u guaranietépe mba’etépa ichupe guarã pe Semana Santa. Kóicha he’i:
-¿Mba’e he’ise ndéve guarâ ko arete puku?
Chéve guarâ ha’e peteî oportunidad para el jetopa che gente kuéra ndive. Ipuku’i la arete ha hetavemba’e ikatu ajapo che vállepe. Semana Santa-pe heta gente oîva mombyry, Paraguay-pe, Ciuda del Este o Buenos Aires-pe, ou katuete.
-¿Mba’éicha ne mandu’a la arete pukúre ne mitâro guare?
Che mitâro guare che mandu’a che irunguérandi rohuga va’erâ pero ndaikatúi la oreaivueterei. Ndaikatuivoi ni oñepyruhata
-¿Ha pascua pe piko pe liga mimi vaekue?
Entre lo mita’ikuera katueterei. Orekuerante, ñembojaruhape
-¿Pende túa ha pende sy na pene ñupai vaekue?
Nahániri, che nâchemandu’ái la aipo’o hague pascua-re
-¿Ha la chipa heta pejapo?
Katueterei, miércoles sí o sí ojejapo va’erâ, ha orrendi. Hetaiterei voi ojejapo. La viernes santo pe chipantevoi la menu principal.
-Pakova rogue ári, tatakua pe…
Upéicha, kuña kuéra la oñemoirumbáva la chipa ñeamasápe, ha papá katu ojatapy la tatakuáre, ha oñembojy haguâ oñemoî la pakova rogue ári, peteî teî, upéi oike la sopa asadera-pe
-¿Mba’e ára de la Semana Santa nde gustave?
Jueves Santo, porque upépe ha’ete ku oñepermitipáva: rekaru ndekueráipeve ha emboi’userô avei Ikatu. Ikyre’yve upe ára.
